نارائن پیٹ: 28 نومبر (پٹریاٹک ویوز) تلنگانہ اردو ورکنگ جرنلسٹ یونین کے ریاستی صدر جناب شجاع الدین افتخاری کی ہدایت پر تلنگانہ اردو ورکنگ جرنلسٹ یونین نارائن پیٹ کے زیر اہتمام اردو صحافیوں کا ایک نمائندہ وفد نے آج منڈل سطح پر اردو صحافیوں کو ایکریڈیشن کارڈ کی اجرائ اور ضلع ایکریڈیشن کمیٹیوں میں یونین کے نمائندے کو شامل کرنے کا مطالبہ کرتے ہوئے ضلع کلکٹر نارائن پیٹ محترمہ سکتا پٹنائک سے انکے چمبر میں ملاقات کرتے ہوئے ایک تحریری یاداشت پیش کی۔ اس موقع پر وفد نے ضلع کلکٹر کو بتایا کہ سابق کی طرح منڈل سطح پر اردو صحافیوں کو ایکریڈیشن کارڈ فراہم کئے جائیں۔ جبکہ یونین کی جانب سے جی او 239 کے میں ترمیم کیلئے ہائی کورٹ سے کامیاب نمائندگی کی گئی۔ اس موقع پر ضلع کلکٹر نے وفد کو مثبت تیقن دیا۔ اس موقع پر اسٹیٹ ایگزیکٹو ممبر ٹی یو ڈبلیو جے یو حافظ محمد تقی’ نارائن پیٹ سینئر صحافی جناب عثمان عبیداللہ مجاہد صدیقی’ جناب ارشد فیصل ‘ جناب محمد ظہیرالدین صوفی، جناب عبدالرحیم’ جناب محمد حسین مڑکی’ جناب محمد نواز تاج’ رحمت اللہ قریشی، عبدالرحیم، محمد سلمان و دیگر موجود تھے۔