بیدر11/ڈسمبر (نامہ نگار) درگاہ حضرت بندہ علی شاہ مجذوب ؒ بیرون فتح دروازہ حیدرآباد روڈ بیدر کا 236واں سالانہ ایک روزہ عرس و صندل شریف نہایت ہی عقیدت و احترام کے ساتھ منایا جائیگا۔تفصیلات کے بموجب 20جمادی الثانی 12/ڈسمبربروز جمعہ کو بعد نماز عصر قیام گاہ سجادہ نشین موقوعہ نہرو اسٹیڈیم گرونانک اسکول روڈ بیدر سے جلوس صندل برآمد ہوکر قبل از نماز مغرب درگاہ حضرت ممدوح حیدرآباد روڈ پہونچے گا۔ بعد ادئیگی نماز مغرب جناب الحاج محمد عبدالسلیم سجادہ نشین و متولی درگاہ حضرت ممدوح بعد غسل عطریات ومراسم صندل مالی کی خصوصی خدمات جمیع علمائے مشائخین، سجادہ گان، متولیان،عقیدت مندان کی موجودگی میں انجام دیں گے۔گلہائے عقیدت،سلام و نیازتقسیم تبرکات بدست جانشین سجادہ نشین ہوں گے۔ درگاہ حضرت ممدوح میں حسب روایت قدیم تیل کے شمعوں کے علاوہ برقی و پانی کا معقول انتظام کیا گیا ہے۔ اسی روز بعد نماز ظہر تا عصر مسجد مہرالنساء احاطہ درگاہ حضرت ممدوح میں ختم قرآن مجید مقرر ہے۔جمیع عقیدتمندان اولیاء اللہ سے محمد عبدالوحید المعروف ساجد پاشاہ جانشین سجادہ نشین فرزند اکبرمحمد عبدالسلیم نے کثیر تعداد میں شرکت فرماکر ثواب دارین حاصل کرنے کی گذارش کی ہے۔