سرزمین دکن کے سنجیدہ اورمزاحیہ شاعر اپنا کلام پیش کریں گے
حیدرآباد۔21نومبر(پریس نوٹ) تلنگانہ اُردو تحریک اور بزم تہذیب دکن کے زیراہتمام ایک مشاعرہ اور ایک تہنیتی تقریب 23نومبر‘ بروز ہفتہ شام8بجے اُردو مسکن خلوت میں منعقد کی جارہی ہے۔ اس تہنیتی تقریب میں حکومت تلنگانہ کے نامزد رکن قانون ساز کونسل عامر علی خان‘ چیرمن برائے تلنگانہ اُردواکیڈیمی‘ تلنگانہ وقف بورڈ‘ تلنگانہ حج کمیٹی اور تلنگانہ اقلیتی مالیتی کارپوریشن کے علاوہ کانگریس قائد علی مسقطعی کو بھی تہنیت پیش کی جائیگی۔ سرزمین دکن کے ممتاز سنجیدہ اور مزاحیہ شعراء جن میں ڈاکٹر فاروق شکیل‘ شہنشاہ طنز ومزاح شاہد عدیلی‘ صوفی سلطان شطاری‘ سید سمیع اللہ سمیع حسینی‘ ٹپیکل جگتیالی‘ معین امر بمبو‘ سید رضا جمیل صاحب جمیل‘ کھٹپٹ بھینسوی‘شیخ احمد ضیاؔ‘فرید سحرؔباسط علی رائیس‘وحید پاشاہ قادری‘ قاضی فاروق عارفی‘ابولفیض سید احمد عابد‘ مولانا خیرالدین صوفی‘ سید فیض اللہ نعیم خوندمیری نعیم‘ منو رعلی مختصرؔشبیر خان شبیرؔ‘لطیف الدین لطیفؔ‘ شبیر علی خان اسمارٹ‘ سید عبدالشکور شاداب‘اپنا کلام سنائیں گے۔ صدر استقبالیہ کے فرائض سید امین احمد الیاس کنونیر گریٹر حیدرآباد کانگریس کمیٹی ادا کریں گے جبکہ اعزاز ی مہمانان میں محمد الستار رکن قومی کونسل برائے فروغ اُردو‘ ڈاکٹر ایم ایم رضا‘ ڈاکٹر محمدعمران‘ محمد قمر الدین سابق چیرمن تلنگانہ اقلیتی کمیشن کے نام قابل ذکر ہیں۔محبان اُردو ادب سے اس تقریب اور مشاعرے میں شرکت کی ذمہ داران نے تلنگانہ اُردو تحریک اور بزم تہذیب دکن کی جانب سے درخواست ہے۔