وقارآباد، 4 ستمبر (پیٹریاٹک ویوز نیوز):
تلنگانہ قانون ساز اسمبلی کے اسپیکر اور وقارآباد اسمبلی حلقہ کے رکن اسمبلی گڈم پرساد کمار نے منگل کی شب گنیش نو راتری تقاریب کے سلسلے میں وقارآباد شہر کے مختلف وارڈوں میں قائم کئے گئے وِنائک منڈپوں کا دورہ کیا۔

اس موقع پر اسپیکر نے گنیش جی کی خصوصی پوجا کی۔ منڈپوں کے منتظمین، عقیدت مندوں اور مقامی رہائشیوں نے ان کا پرتپاک استقبال کیا۔ منڈپوں کے پجاریوں نے اسپیکر کو آشیرواد دیتے ہوئے تیرتھ اور پرساد پیش کیا۔

مقامی عوامی نمائندے اور قائدین بھی اسپیکر کے ساتھ منڈپوں کے اس دورے میں شریک رہے۔