بھینسہ شہر کچرے کوڑے و گندگی کے ڈھیر میں تبدیل وبائی امراض پھوٹ پڑنے کا خطرہ۔۔۔

بھینسہ 28 / ڈسمبر (پٹریاٹک ویوز) بھینسہ میں میونسپل کونسل کی معیاد کا اختتام ہوکر تقریبا گیارہ ماہ کا وقت ہوچکا ہے اس اثناء میں شہر کی عوام اور میونسپل کے آوٹ سورسنگ ملازمین مختلف مسائل سے دوچار ہے کیونکہ میونسپل کونسل کی معیاد ختم ہونے پر حکومت تلنگانہ نے ضلع نرمل کے ایڈیشنل کلکٹر فیضان احمد آئی اے ایس کو بھینسہ بلدیہ کا اسپیشل آفیسر مقرر کیا ہے جبکہ گذشتہ چند یوم قبل بھینسہ کے سب کلکٹر اجمیرا سنکیت کمار آئی اے ایس کو بھینسہ بلدیہ انچارج کمشنر مقرر کیا گیا ہے لیکن دونوں آئی اے ایس آفیسرس کی تعیناتی کے باوجود بھینسہ بلدیہ کے آوٹ سورسنگ ملازمین اور شہر کے عوامی مسائل کی عدم یکسوئی تعجب و معنی خیز ہے کیونکہ بھینسہ بلدیہ میں آوٹ سورسنگ کی حیثیت سے خدمات انجام دینے والے ملازمین گزشتہ ایک ہفتہ سے بلدیہ احاطہ میں ہڑتال پر بیٹھکر احتجاج کرتے ہوئے ان کے مسائل کو حل کرنے کا حکومت سے مطالبہ کر رہے ہیں ہڑتالی آوٹ سورسنگ ملازمین نے بتایا کہ بھینسہ بلدیہ میں جملہ 110 آوٹ سورسنگ ملازمین خدمات انجام دے رہے ہیں جنکی ماہانہ تنخواہ بارہ ہزار روپیے ہے لیکن صرف دس ہزار پانچ سو 60 روپیے ہی موصول ہورہی ہے اور پی ایف کے نام پر ایک ہزار چار سو چالیس روپیے روکے جارہے ہیں جوکہ سال 2011 سے تاحال 2025 تک کا پی ایف پیسہ ادا نہیں کیا گیا ہے ہڑتالی آوٹ سورسنگ ملازمین نے بتایا کہ تقریبا گیارہ ماہ قبل کونسل کی معیاد کے اختتام سے قبل کونسل کی جانب سے تقریبا ایک کروڑ روپیے میونسپل فیننانس سیکشن کو دیئے گئے جو کہ حکومت کے پاس زیرالتوا ہے ہڑتالی آوٹ سورسنگ ملازمین نے حکومت تلنگانہ کو اس جانب سنجیدگی سے غور و فکر کرتے ہوئے حل کرنے کا مطالبہ کیا واضح رہیکہ بھینسہ میونسپلٹی آوٹ سورسنگ ملازمین کی ہڑتال اور احتجاج کے باعث شہر کی اہم سڑکوں ، چوراہوں ، محلوں اور مارکیٹ علاقہ میں کچرے کے انبار کا ڈھیر دیکھائی دے رہا ہے کیونکہ صاف صفائی عملہ اور گاڑیاں کچرے کو صاف کرنے کے لیے نہیں آرہے ہیں جبکہ شہر کے قلبی مارکیٹ علاقہ میں گوشت مارکیٹ کے قریب موجود ڈرین میں گندگی اور کچرا جمع ہونے سے روزانہ شام کے اوقات میں نالی کا پانی سڑک پر جمع ہوکر بہہ رہا ہے جس پر عوام نے شدید برہمی کا اظہار کیا اور حکومت تلنگانہ اور حکومت کے نمائندوں کے علاوہ ضلع کلکٹر ابھیلاشہ ابھینو آئی اے ایس سے مطالبہ کیا کہ بھینسہ میں صاف صفائی کے انتظامات کو یقینی بناکر عوام کو راحت فراہم کرے کیونکہ اس معاملہ میں ضلع نرمل کے ایڈیشنل کلکٹر فیضان احمد آئی اے ایس بھینسہ بلدیہ اسپیشل آفیسر اور بھینسہ سب کلکٹر اجمیرا سنکیت کمار آئی اے ایس بھینسہ بلدیہ انچارج کمشنر مجرمانہ خاموشی اور عوام دشمن رویہ اختیار کیے ہوئے ہیں جنکی مجرمانہ لاپرواہی و خاموشی اور عوام دشمن رویہ کے سبب بھینسہ کے شہریوں کو شدید دشواری پیش آرہی ہے اور بھینسہ شہر کچرے کوڑے کے علاوہ گندگی کے ڈھیر میں تبدیل ہورہا ہے جس کی وجہ خنزیروں کی بہتات جمع ہورہی ہے جس سے انسانی زندگیوں کو بیماریوں کا خدشہ لاحق ہے عوام کا کہنا ہیکہ موسم سرما اپنے شباب پر ہے جس کی وجہ سے عوام کی اکثریت زکام ، بخار ، کھانسی میں مبتلا ہے اور شہر میں کچرے و گندگی کی وجہ وبائی امراض پھوٹ پڑنے کا اندیشہ ہے کیونکہ بھینسہ شہر گذشتہ ایک ہفتہ سے کچرے کوڑے کے علاوہ گندگی کے ڈھیر میں تبدیل ہورہا ہے