حیدرآباد، 23 دسمبر 2024 (پٹریاٹک ویوز) : بی آر ایس ایم ایل سی کلواکنتلا کویتا نے تلنگانہ میں کانگریس حکومت پر بی جے پی کے ساتھ مل کر علاقائی قیادت کو نشانہ بنانے کا الزام لگایا۔ تلنگانہ بھون میں میڈیا سے خطاب کرتے ہوئے، انہوں نے کہا کہ بی آر ایس کے ورکنگ صدر کے ٹی راما راؤ (کے ٹی آر) کے خلاف مقدمات سیاسی انتقام کا حصہ ہیں اور یہ الزامات کانگریس کے چیف منسٹر ریونت ریڈی کی دہلی میں بی جے پی لیڈران سے ملاقاتوں کے بعد سامنے آئے ہیں۔

“اینٹی کرپشن بیورو (اے سی بی) اور ای ڈی کے مقدمات ایک ہی وقت میں درج ہونا اس بات کی واضح مثال ہے کہ کانگریس اور بی جے پی کا گٹھ جوڑ تلنگانہ کے مضبوط لیڈران جیسے کے سی آر کو کمزور کرنے کی کوشش ہے،” کویتا نے کہا۔

ایم ایل سی کویتا نے کانگریس حکومت کو “10 فیصد کمیشن حکومت” قرار دیا اور الزام لگایا کہ وہ عوامی فلاح و بہبود کے بجائے کارپوریٹ مفادات کو ترجیح دے رہی ہے۔ انہوں نے کہا کہ حکومت نے میگا کرشنا ریڈی جیسے کمپنیوں کے لیے اربوں روپے کے بل کلیئر کیے ہیں، جبکہ کسانوں کے قرض معاف کرنے اور گُروکل طلبہ کے اہل خانہ کے لیے معاوضہ فراہم کرنے میں ناکام رہی ہے۔

کویتہ نے گُروکل طلبہ کی فوڈ پوائزننگ سے ہونے والی 57 اموات پر ہر متاثرہ خاندان کے لیے 25 لاکھ روپے معاوضے کا مطالبہ کیا۔ انہوں نے کسانوں کے قرضوں کی معافی میں تاخیر اور خواتین کے لیے ماہانہ 2500 روپے دینے والے مہالکشمی اسکیم کے وعدے کو پورا نہ کرنے پر بھی سخت تنقید کی۔

تلنگانہ کے مفادات پر سودے بازی
کویتہ نے الزام لگایا کہ کانگریس حکومت نے ورلڈ بینک کے سامنے تلنگانہ کی خود مختاری گروی رکھ دی ہے اور کے سی آر کے 10 سالہ مالیاتی آزادی کے اقدامات کو نقصان پہنچایا ہے۔ انہوں نے کہا کہ پالمورو رنگاریڈی لفٹ اریگیشن پروجیکٹ جیسے اہم منصوبے کانگریس کے عدم دلچسپی کی وجہ سے مکمل نہیں ہوسکے۔

انہوں نے بھوبھارتی اسکیم کو “غلط اور نقصان دہ” قرار دیتے ہوئے خبردار کیا کہ عوام جلد ہی دھارانی سسٹم کی بحالی کا مطالبہ کریں گے۔

ایم ایل سی کویتہ نے کانگریس حکومت کی ناکامیوں کو بے نقاب کرنے کے لیے ریاست بھر میں مہم چلانے کا اعلان کیا۔ انہوں