حیدرآباد: 7ڈسمبر (پٹریاٹک ویوز) وزیر پونم پربھاکر نے حکومت کی جانب سے اہم ملاقاتوں کا سلسلہ جاری رکھتے ہوئے گورنر سے ملاقات کی اور انہیں 9 تاریخ کو تلنگانہ تلی کے مجسمہ کی نقاب کشائی کی تقریب میں شرکت کی دعوت دی۔

بعد ازاں، وزیر پونم پربھاکر نے مرکزی وزیر کشن ریڈی سے بھی ملاقات کی اور انہیں تلنگانہ تلی کے مجسمہ کی نقاب کشائی کی تقریب میں مدعو کیا۔

وزیر پونم پربھاکر نے سابق وزیر اعلیٰ کے چندرشیکھر راؤ سے بھی ملاقات کی اور اپنے پروٹوکول چیرمین ہارکر وینوگپال اور پروٹوکول ڈائریکٹر وینکٹ راو کے ساتھ انہیں اس اہم پروگرام میں شرکت کی دعوت دی۔

وزیر نے اس بات پر زور دیا کہ حکومت کی جانب سے تمام شخصیات کی عزت افزائی کی جاتی ہے اور ان تمام ملاقاتوں کا مقصد صرف اور صرف تلنگانہ تلی کے مجسمہ کی نقاب کشائی کے پروگرام کی اہمیت کو اجاگر کرنا تھا۔

انہوں نے کہا کہ "یہ تمام ملاقاتیں سیاسی نہیں تھیں، ہم نے صرف پروگرام میں شرکت کے لیے دعوت دی تھی۔”

وزیر پونم پربھاکر نے مزید وضاحت کی کہ یہ دعوت ایک سرکاری پروگرام کے طور پر دی گئی تھی اور کسی بھی سیاسی گفتگو یا مذاکرات کا اس میں کوئی تعلق نہیں تھا۔