سنگاریڈی، 23 اکتوبر (Patriotic Views):
ریاستی وزیر برائے صحت و طبابت دامودر راجنرسمہا نے انڈول اسمبلی حلقہ کے حدود میں جاری سڑکوں کی تعمیر و مرمت کے کاموں پر متعلقہ عہدیداروں کے ساتھ جائزہ اجلاس منعقد کیا۔

وزیر نے سنگاریڈی میں اپنی رہائش گاہ پر پنچایت راج اور آر اینڈ بی (R&B) محکموں کے انجینئرنگ عہدیداروں کے ساتھ جائزہ اجلاس میں کہا کہ حالیہ شدید بارشوں کے باعث خراب ہوئی سڑکوں کی مرمت کے کام فوری اور تیز رفتاری سے مکمل کیے جائیں تاکہ عوام کو کسی قسم کی تکلیف نہ ہو۔

دامودر راجنرسمہا نے کہا کہ پنچایت راج محکمہ کی نگرانی میں منریگا اسکیم کے تحت جاری سڑکوں کی تعمیر و مرمت، نئی آنگن واڑی عمارتوں اور سرکاری اسکولوں میں تعمیر کیے جا رہے ٹوائلٹ بلاکس کے کاموں پر خصوصی توجہ دی جائے۔

انہوں نے مزید ہدایت دی کہ منڈل ہیڈکوارٹر سے گاؤں تک جانے والی کنیکٹنگ سڑکوں کے کام جلد از جلد مکمل کیے جائیں تاکہ آمدورفت میں سہولت ہو۔

بعد ازاں، وزیر نے آر اینڈ بی محکمہ کے عہدیداروں کے ساتھ گارل پلی – اجمرّی برج کی تعمیراتی کاموں کی پیشرفت کا بھی جائزہ لیا۔

اس اجلاس میں پنچایت راج محکمہ کے SE جگدیشور، EE نرسمولو، Dy EE پربھاکر، Dy EE کرشنا کے علاوہ دیگر انجینئرنگ عہدیداران، آر اینڈ بی محکمہ کے EE نرسمولو اور DE رویندر بھی شریک تھے۔