حیدرآباد: 13 اکتوبر (پٹریاٹک ویوز ڈسک) بی آر ایس ایم ایل سی سریکونڈا مدھوسودھن چاری نے اتوار کو تلنگانہ ریاستی قانون ساز کونسل میں قائد حزب اختلاف کا عہدہ سنبھال لیا۔ اس موقع پر بی آر ایس کے کارگذار صدر کے ٹی راما راؤ، پارٹی ایم ایل اے سرینواس یادو اور دیگر پارٹی قائدین نے چاری کو مبارکباد پیش کی۔

مدھوسودھن چاری نے 9 جون 2014 سے 16 جنوری 2019 تک تلنگانہ قانون ساز اسمبلی کے پہلے اسپیکر کی حیثیت سے خدمات انجام دیں۔ وہ 2014 کے عام انتخابات میں بھوپال پلی حلقہ، ضلع ورنگل سے منتخب ہوئے تھے۔اسی طرح مدھو سودھن چاری تلنگانہ کی سیاست میں ایک اہم شخصیت رہے ہیں۔ تلنگانہ تحریک میں بھی ان کا کلیدی کردار رہا ہے۔

چاری کے اسپیکر کے دور میں کپاس کے کسانوں کے مسائل کو اجاگر کرنے میں اہم کردار ادا کیا۔ وہ بی آر ایس پارٹی میں مختلف عہدوں پر فائز رہے، جن میں جنرل سیکرٹری اور پولیٹ بیورو ممبر شامل ہیں۔ 2021 میں، انہیں گورنر کے کوٹے کے تحت قانون ساز کونسل کے لیے نامزد کیا گیا تھا۔