ضلعی منتظمہ جمعیۃ العلماء نلگنڈہ کا اہم اجلاس
تنظیمی استحکام اور اصلاحِ معاشرہ کے جامع منصوبے
الحمد للہ رب العالمین، والصلاۃ والسلام علیٰ سید الانبیاء والمرسلین۔
بتاریخ 27 دسمبر 2025، بروز ہفتہ دارالعلوم نلگنڈہ میں ضلعی منتظمہ جمعیۃ العلماء نلگنڈہ اور مختلف منڈلوں کے صدور و ذمہ داران کا ایک نہایت اہم اور بامقصد اجلاس منعقد ہوا۔ اس اجلاس کی صدارت حضرت مولانا شاہ سید احسان الدین قاسمی صاحب دامت برکاتہم، صدر جمعیۃ العلماء تلنگانہ نے فرمائی۔ اجلاس میں ضلع نلگنڈہ کے دینی، سماجی اور تنظیمی حالات کا گہرائی سے جائزہ لیا گیا اور مستقبل کے لائحۂ عمل پر سنجیدہ مشاورت ہوئی۔
اجلاس کا مرکزی محور اصلاحِ معاشرہ اور تنظیمی مضبوطی رہا۔ اس موقع پر حضرت صدرِ محترم نے معاشرے میں بڑھتی ہوئی دینی غفلت، اخلاقی کمزوریوں اور سماجی بگاڑ پر تشویش کا اظہار کرتے ہوئے مؤثر اور منظم اصلاحی پروگراموں کی اشد ضرورت پر زور دیا چنانچہ طے پایا کہ ضلع بھر میں ایس آئی آر (SIR) تربیتی پروگرام منعقد کیے جائیں گے پہلا تربیتی پروگرام جنوری کے پہلے ہفتہ میں مریال گوڑہ میں منعقد ہوگا جن کے ذریعے ذمہ داران، کارکنان اور مبلغین کی فکری و عملی تربیت کی جائے گی، تاکہ وہ معاشرے میں بہتر انداز میں اصلاحی کردار ادا کر سکیں۔
اسی طرح مرد و خواتین کے لیے اصلاحِ معاشرہ کے 10 خصوصی پروگرامس منعقد کرنے کا فیصلہ کیا گیا، جن میں دینی شعور، اخلاقی تربیت، خاندانی نظام کی مضبوطی اور سماجی ذمہ داریوں جیسے اہم موضوعات کو شامل کیا جائے گا۔ مزید برآں، ہر حلقۂ اسمبلی میں ایک ’’سدبھاونہ سدسو پروگرام‘‘ منعقد کرنے کی ہدایت دی گئی، تاکہ باہمی اخوت، بھائی چارگی اور سماجی ہم آہنگی کو فروغ دیا جا سکے۔
اجلاس میں اس بات پر خصوصی تاکید کی گئی کہ رمضان المبارک کی آمد سے قبل ان تمام اصلاحی و تربیتی پروگراموں کو مکمل کر لیا جائے تاکہ ماہِ مبارک میں ان کے مثبت اثرات معاشرے پر نمایاں طور پر مرتب ہو سکیں۔
اس کے ساتھ ساتھ اجلاس میں تنظیمی امور پر بھی تفصیلی غور و خوض کیا گیا، مختلف شعبہ جات کے لیے ذمہ داران کا انتخاب عمل میں آیا اور ضلعی و منڈل سطح پر تنظیم کو مزید فعال اور منظم بنانے کے لیے قیمتی تجاویز پیش کی گئیں
شعبہ اصلاحِ معاشرہ کے نگران کی حیثیت سے مولانا عبد المقیت مفتاحی صاحب کو نامزد کیا گیا
سدبھاؤنا سدسو کے نگران کی ذمہ داری مولانا حسین صاحب کے سپرد کی گئی
جمعیۃ یوتھ کلب کے نگران کی حیثیت سے مولانا یاسر حسین صاحب اور مفتی عامر ندیم صاحب کا انتخاب عمل میں آیا ضلعی ناظم کے عہدہ کے لیے مولانا زبیر محی الدین صاحب کو منتخب کیا گیا اسی طرح شعبہ اصلاح معاشرہ کے تحت مذہبی اسلامی کوئز کے انعقاد و نگرانی کے لیے ایک سہ رکنی کمیٹی تشکیل دی گئی، جس میں حافظ عتیق الرحمن بیگ، مولانا عبد السمیع صاحب اور مفتی صہیب صاحب شامل ہیں۔
حافظ عتیق الرحمن بیگ اور حافظ محمد رفیع الدین کو میڈیا سیکریٹری مقرر کیا گیا۔
اصلاح معاشرہ و سدبھائونا سدسو کے تحت ضلع بھر کے منڈل تعلقہ جات میں مرد خواتین کے رمضان المبارک سے پہلے پندرہ سے زائد پروگرام کیئے جائیں گے ۔
اجلاس میں مفتی سید صدیق نائب صدر جمعیتہ علماء ضلع نلگنڈہ مولانا مخدوم مریال گوڑہ نائب صدر جمعیتہ علماء ضلع نلگنڈہ مولانا ولی اللہ مریال گوڑہ نائب صدر جمعیتہ علماء ضلع نلگنڈہ
مولانا عبد الحکیم ،
حافظ حبیب و حافظ علیم دیور کنڈہ
مفتی غوث ایررارم
مولانا قمر الدین و حافظ امجد چوٹو پل مولانا عبد الصمد چٹیال
حافظ عبد المتین مولانا خواجہ معین الدین مولانا اعظم نارکٹ پلی
حافظ مجاھد مولانا جاوید چنڈور
مولانا رضوان گرم پوڑ
مولانا فراست اللہ مولانا غوث ہالیہ علی نگر
مفتی صہیب تپرتی
مولانا عبد الرشید مارگوڑہ پلی
حافظ مقصود حافظ ارشد ویمل پلی
حافظ عمران مارے پلی
مستقر کے اراکین و مدعو خصوصی حضرات کثیر تعداد میں شریک رہے
اجلاس کی کاروائی مولانا اکبر خان اسعدی جنرل سیکرٹری جمعیتہ العلماء ضلع نلگنڈہ نے چلائ
آخر میں حضرت صدرِ محترم کی دعاؤں کے ساتھ اجلاس اختتام پذیر ہوا۔