31 ڈسمبر 2024 آخری تاریخ : محبوب نگر 2/ڈسمبر ( پریس نوٹ) ضلع اقلیتی بہبود آفیسر جی شنکرا چاری نے پریس نوٹ جاری کرتے ہوئے کہا کہ محکمہ اقلیتی بہبود ، ریاست تلنگانہ ، کے زیر اہتمام ، چیف منسٹر اوورسیز اسکالرشپ اسکیم فال سیزن 2024 کےتحت بیرون ملک میں اعلیٰ تعلیم (پوسٹ گریجویٹ/ ڈاکٹریٹ ) حاصل کرنے والے اقلیتی طلبہ (مسلم،کرسچن ،سکھ،جین،پارسی ) سے آن لائن درخواستیں طلب کی جارہی ہیں ۔انہوں نے کہا کہ اہل طلبہ بیرونی ممالک کی یونیورسٹیز میں ( 1.08.2024 تا 31.12.2024 تک ) پوسٹ گریجویٹ یا ڈاکٹریٹ میں تعلیم حاصل کرنے کیلئے داخلہ لے چکے ہیں/ یا لینے والے ہیں، اور حکومت کی تمام اہلیت سے متعلق قواعد کی تکمیل کرتے ہوں ایسے اہل امیدوار اپنی درخواستیں ویب سائٹ (www.telanganaepass.cgg.gov.in) پر داخل کرسکتے ہیں ۔شنکرا چاری نے کہا کہ طلبہ کے والدین کی سالانہ آمدنی 5 لاکھ سے تجاوز نہ کرتی ہو۔ اہل امیدوار 31.12.2024 شام 5.00 بجے تک اپنی اپنی درخواستیں داخل کرسکتے ہیں۔ مزید تفصیلات کیلئے ضلعی افسر برائے محکمہ اقلیتی بہبود ، روم نمبر(205) سکنڈ فلورIDOC بلڈنگ (کلکٹریٹ کامپلکس) پر یا فون نمبر پر رابطہ کریں۔