ممبئی:12اکٹوبر2024 (پٹریاٹک ویوز ڈسک) این سی پی (نیشنلسٹ کانگریس پارٹی) کے رہنما اور مہاراشٹر کے سابق وزیر بابا صدیقی کو نامعلوم حملہ آوروں نے ممبئی میں گولی مار کر ہلاک کر دیا۔ بابا صدیقی کو پیٹ اور سینے میں گولیاں لگنے کے بعد فوری طور پر لیلاوتی اسپتال منتقل کیا گیا، جہاں وہ زخموں کی تاب نہ لاتے ہوئے انتقال کر گئے۔

یہ واقعہ رات 9:15 سے 9:20 کے درمیان رام مندر کے قریب پیش آیا، جو بابا صدیقی کے دفتر کے قریب واقع ہے۔ عینی شاہدین کے مطابق، صدیقی اس وقت دُسہرے کے موقع پر پٹاخے چلا رہے تھے جب ان پر حملہ کیا گیا۔

پولیس نے اس حملے کے سلسلے میں دو افراد کو حراست میں لیا ہے اور واقعے کی تحقیقات جاری ہیں۔

بابا صدیقی اجیت پوار گروپ کے اہم رہنما تھے اور انہیں ممبئی کی سیاست میں ایک مضبوط شخصیت کے طور پر جانا جاتا تھا۔