حیدرآباد۔14/ڈسمبر ( پریس نوٹ)ممتاز شاعرادیب و صحافی ڈاکٹرمحسن جلگانوی کو ان کی ادبی خدمات پر حکومت تلنگانہ کی جانب سےاردو اکیڈیمی کا باوقار مولانا ابوالکلام آزاد نیشنل ایوارڈ کی حصولیابی پر کل شب ٹولی چوکی حیدرآباد میں واقع سکیس دی اسکول آڈیٹوریم پر ایک شاندار تقریب جشن ڈاکٹرمحسن جلگانوی کا انعقاد عمل میں آیا نگاہوں کو خیرہ کرنے والے قمقموں سے مزین آڈیٹوریم باذوق سامعین سے کھچا کھچ بھرا ہوا تھا۔تلنگانہ اردو تحریک کے زیر اہتمام منعقدہ اس تقرہب دوحصوں میں منقسیم تھی ادبی اجلاس کی صدارت پروفیسر ایس اے شکور ڈائریکٹر داراةالمعارف جامعہ عثمانیہ نے کی ۔ صدرنشین تلنگانہ اقلیتی کمیشن طارق انصاری، شیخ فرید سابق رکن ساوتھ سنٹرل ریلوے بورڈ اور پروفیسر مقبول فاروقی نے بحثیت مہمانان خصوصی اس جشن میں شریک تھے۔ کنونیر جشن سعداللہ خان سبیل نےنظامت کے فرائض انجام دئے شریک کنونیر بصیر خالد صدر بزم خیال ٹولی چوکی نے تمام حاضرین کا استقبال کیا۔ اس جشن کا آغاز قاری محمد عفان اللہ کی قرات کلام پاک اور ڈاکٹر طیب پاشاہ قادری کی نعت اقدس سے ہوا ۔ ممتاز شاعر ارشد شرفی نے تہنیتی کلام پیش کیا۔ صداراجلاس پروفیسر ایس اے شکورنے اپنےخطاب میں کہا کہ آندھراپردیش اردو اکیڈیمی کا سب سے بڑا اعزاز مخدوم ایوارڈتھاجو صرف 10ہزار روپئے کیسہ زر پہ مشتمل تھا تاہم اب مخدوم ایوارڈکی رقم کو نہ صرف دولاکھ روپئے کردیاگیا بلکہ ایک نیا قومی ایوارڈ بنام مولانا ابوالکلام آزاد نیشنل ایوارڈ بھی حکومت تلنگانہ نے متعارف کیا ہے جو اردو اکیڈیمی کا سب سے بڑا ایوارڈ ہے۔اور یہ ایوارڈ زبان و ادب تعلیم وطب میں غیر معمولی خدمات انجام دینے والی اہم شخصیت کوتفویض کیا جاتا ہے ڈاکٹرمحسن جلگانوی کو ان کی گراں قدر ادبی خدمات کے عوض 2025 کااس باوقارمولانا ابوالکلام آزاد نیشنل ایوارڈ سے سرفراز کیا گیا ہے۔
اردو اکیڈیمی کے اعلان کے ساتھ گڑ بڑ شروع ہوجاتی ہے تلنگانہ اردو اکیڈیمی مختلف زمرہ میں شعراء، ادبااورصحافیوں کو انعامات سے نوازتی ہے جس کے لئے الگ الگ کمیٹیاں تشکیل دی جاتی ہیں لیکن اردو اکیڈیمی کو مخدوم ایوارڈ اورمولانا ابوالکلام آزاد نیشنل ایوارڈ کے انتخاب میں کافی دشوراریوں کا سامنا کرناپڑتا ہے۔پروفیسر ایس اے شکور نےحکومت تلنگانہ کاشکریہ ادا کہ اس نے ایک قابل ترین اور مستحق شخص کو یہ ایوارڈ دیا ہے۔طارق انصاری صدرنشین تلنگانہ اقلیتی کمیشن نے اس موقع پر خطاب کرتے ہوئے کہا کہ ڈاکٹر محسن جلگانوی کا شعری و ادبی سفر گزشتہ 65سال سے جاری و ساری ہے۔ ان کی حیات نوجوان نسل کے لئے ایک مثال ہے وہ بیک وقت شاعر ادیب اور صحافی ہیں ان تقریبا” دو ڈزن معیاری کتابیں منظر عام پر آکر مقبول ہوچکی ہیں ۔تلنگانہ اردو اکیڈیمی نے ان کی خدمات کا اعتراف کرتے ہوئے انہیں مولانا آزاد نشنل ایوارڈ سے نوازا اور آج تلنگانہ اردو تحریک نے اس جشن کا اہتمام کرکے قابل تعریف کام کیا ہے اپنے بزرگوں کی خدمات کا ان کی زندگی میں اسی طرح اعتراف ہونا چاہئےاپنے بزرگوں کی خدمات کا اعتراف زندہ قوموں کی علامت ہے ۔بانی و چیرمین اردوکلچرل ہریٹیج فاونڈیشن حیدرآباد آرکیٹکٹ محمد عبدالرحمن سلیم نے صاحب جشن کی ادبی خدمات پر بھرپور روشنی ڈالی۔تلنگانہ اردو تحریک سعداللہ خان سبیل نے ڈاکٹرمحسن جلگانوی کو ہمہ گیر شخصیت کا حامل قرار دیتے ہوئے کہا کہ وہ نہ صرف ایک اچھے شاعر و ادیب ہیں بلکہ ایک اچھے انسان بھی ہیں۔اس جشن میں مختلف تنظیموں اور شعراء کی جانب سے ڈاکٹرمحسن جلگانوی کی بکثرت گلپوشی وشال پوشی بھی کی گئی۔بعد ازاں اس جشن میں ایک معیاری اور شاندار مشاعرہ منعقد ہوا جس کی صادرت آرکیٹکٹ جناب محمد عبدالرحمن سلیم نے کی ۔مشاعرہ کا آغاز طنز و مزاح کے ممتاز شاعروحید پاشاہ قادری کے کلام سے ہوا صدر مشاعرہ کے علاوہ ڈاکٹر محسن جلگانوی،پروفیسر مقبول فاروقی،ڈاکٹر روف خیر،سردار سلیم، سیف نظامی،شریف اطہر نظام آباد، ڈاکٹرطیب پاشاہ قادری، ڈاکٹر علیم خان فلکی،الطاف شہر یار، نوید جعفری ، . سعداللہ خان سبیل ، افتخار عابد ، بشارت علی خاں اختر میڑچل،معالے اچل پوری،کلیم شیخ، بصیر خالد ، حیدرآفاق اور فرحان عزیزنے اپنا خوبصورت کلام پیش کرکے سامعین سے داد و تحسین حاصل کی۔کنونیر جشن سعداللہ خان سبیل کے شکریہ پر اس مشاعرہ کے اختتام عمل میں آیا۔تمام شرکاء کے لئے پرتکلف عشایئہ کا اہتمام کیا گیا تھا۔
۔……………….
سعداللہ خان سبیل
سل۔ 9032253303