دھرم پوری، 6 ستمبر (پیٹریاٹک ویوز نیوز):
ریاستی ایس سی، ایس ٹی، اقلیتی اور معذورین فلاح و بہبود کے وزیر، جناب اڈلور لکشمن کمار نے ہفتہ کے روز دھرم پوری قصبہ میں واقع سری لکشمی نرسمہا سوامی مندر میں خصوصی پوجا ادا کی۔

اس کے بعد وزیر موصوف نے آج قصبہ میں منعقد ہونے والے گنیش وسرجن انتظامات کا معائنہ کیا۔ انہوں نے عہدیداروں کو ہدایت دی کہ عقیدت مندوں کو کسی قسم کی دقت پیش نہ آئے اس کے لیے پیشگی اقدامات کیے جائیں اور امن و امان کی برقراری کے لیے خصوصی انتظامات کیے جائیں۔

وزیر نے مزید کہا کہ ٹرانسپورٹ، صفائی اور پولیس تحفظ جیسے محکمہ جات آپس میں بہتر تال میل کے ساتھ کام کریں۔ انہوں نے یقین دہانی کرائی کہ گنیش وسرجن تقاریب کو کامیابی اور پُرامن انداز میں مکمل کرنے کے لیے حکومت ہر ممکن تعاون فراہم کرے گی۔