چوپّدنڈی حلقہ اسمبلی کے گنگادھرا منڈل میں پی سی سی چیف مہیش کمار گوڑ کی قیادت میں جاری جنہت پادیاترا کے سلسلے میں گنگادھرا منڈل کے ایس سی بوائز ہاسٹل میں رضاکارانہ خدمت پروگرام منعقد کیا گیا۔

اس موقع پر بطور مہمان خصوصی اے آئی سی سی انچارج شریمتی میناکشی نٹراجن شریک ہوئیں۔

پروگرام میں وزراء پونم پربھاکر، رکن اسمبلی میڈی پَلّی ستیہ م، کانگریس قائدین ویلیچال راجندر راؤ، نریندر ریڈی سمیت دیگر اہم لیڈران نے بھی شرکت کی۔

مقررین نے کہا کہ عوام میں خدمتِ خلق کا جذبہ پیدا کرنا ہی اس رضاکارانہ خدمت پروگرام کا اصل مقصد ہے۔ پی سی سی نے مزید کہا کہ گاؤں کی ترقی اور سماج کی ضروریات کو پورا کرنے کے سلسلے میں کانگریس پارٹی ہمیشہ عوام کے ساتھ شانہ بہ شانہ کھڑی رہے گی۔