حیدآباد 19مارچ (پٹریاٹک ویوز) تلنگانہ مائناریٹیز فنانس کارپوریشن (TGMFC) کے معزز چیئرمین، جناب محمد عبیداللہ کوتوال نے حیدرآباد کے اے سی گھاٹ میں اقلیتی خواتین کے لیے ایک خصوصی اسکل ڈیولپمنٹ سینٹر کا افتتاح کیا۔

یہ مرکز اقلیتی خواتین کو خود کفیل بنانے کے مقصد سے بیوٹیشن، ٹیلرنگ اور مہندی ڈیزائننگ جیسے کورسز میں مفت تربیت فراہم کرتا ہے۔ افتتاحی تقریب کے دوران چیئرمین نے پچھلے بیچ کی تربیت مکمل کرنے والی طالبات میں اسناد تقسیم کیں۔

اس موقع پر چیئرمین نے یقین دلایا کہ تلنگانہ حکومت، معزز وزیر اعلیٰ تلنگانہ، جناب اے ریونت ریڈی گارو کی قیادت میں، اقلیتی خواتین کی ترقی کے لیے سنجیدہ ہے اور ان کی معاشی و سماجی مضبوطی کے لیے ہر ممکن مدد فراہم کرے گی۔

اس پروگرام میں مختلف معززین، بشمول ٹی جی ایم ایف سی کے ریجنل آفس کے جنرل منیجر اور ضلع اقلیتی بہبود افسر، حیدرآباد نے شرکت کی۔