حیدرآباد 9اکٹوبر (پٹریاٹک ویوزڈسک) چیف منسٹر ریونت ریڈی نے سکریٹریٹ میں ایس سی طبقہ اور بی سی ذاتوں کی مردم شماری پر کمیٹیوں کے ساتھ اجلاس منعقد کیا۔ اجلاس میں وزراء دموودر راجا نرسمہا، اُتم کمار ریڈی، پونم پربھاکر، سری دھر بابو، سیتاکا، سرکاری مشیران کے. کیشوراو، وین نریندر ریڈی، بی سی کمیشن چیرمین نرنجن، سرکاری چیف سیکرٹری شانتی کماری اور دیگر اعلیٰ عہدیداران شریک ہوئے۔ وزیراعلیٰ نے ایس سی ورگیکرن پر سپریم کورٹ کے فیصلے کو نافذ کرنے کے لیے ضروری اقدامات کرنے کی ہدایت دی اور 60 دنوں میں ون مین کمیشن رپورٹ جمع کرنے کا حکم دیا۔