حیدرآباد: 30 اگست: کل ہند مجلس اتحاد المسلمین نے مرزا رحمت بیگ کو تنظیمی ذمہ داری سے ہٹانے کے بعد بہادرپورہ کے رکن اسمبلی محمد مبین کو راجندر نگر اسمبلی حلقہ کا نیا انچارج مقرر کیا ہے۔

پارٹی کی جانب سے جاری اعلامیہ کے مطابق محمد مبین راجندر نگر میں مجلس کی نمائندگی کے ساتھ پارٹی کے تنظیمی امور اور سرگرمیوں کی نگرانی کریں گے۔ وہ عہدیداران اور کارکنوں سے رابطہ قائم کرتے ہوئے حلقہ میں پارٹی کو مزید مضبوط بنانے کے لیے اقدامات کریں گے۔

مجلس نے راجندر نگر کے تمام پارٹی عہدیداران اور کارکنوں سے اپیل کی ہے کہ وہ نومقرر انچارج محمد مبین کے ساتھ مکمل تعاون کریں اور تنظیمی سرگرمیوں کو مؤثر انداز میں آگے بڑھائیں۔