حیدرآباد: تلنگانہ کے وزیراعلیٰ اے. ریونت ریڈی نے سابق وزیراعظم اور بھارت رتن آنجہانی راجیو گاندھی کی یومِ پیدائش کے موقع پر انہیں خراجِ عقیدت پیش کیا۔ وزیراعلیٰ نے راجیو گاندھی کو جدید ہندوستان کی تعمیر میں اہم کردار ادا کرنے والا عظیم رہنما قرار دیا۔

وزیراعلیٰ نے کہا کہ سدبھاؤنا دیوس ملک میں امن، بھائی چارے، مذہبی ہم آہنگی اور اتحاد کو فروغ دینے کے پیغام کے ساتھ منایا جاتا ہے، جو عوام کے لیے ایک عظیم تحریک کا ذریعہ ہے۔

انہوں نے عوام سے اپیل کی کہ راجیو گاندھی کے نظریات کو مشعلِ راہ بناتے ہوئے امن، بھائی چارے اور مساوات پر مبنی مضبوط ہندوستان کی تعمیر میں اپنا کردار ادا کریں۔ وزیراعلیٰ نے کہا، ’’اتحاد ہماری طاقت ہے اور سدبھاؤنا ہماری ترقی ہے۔‘‘