18/اگست (روز نامہ پٹریاٹک ویوز) تلنگانہ کے کئی اضلاع میں آج دیر دوپہر سے رات کے دوران کہیں ہلکی تو کہیں معتدل بارش ہونے کا امکان ہے۔ عادل آباد، آصف آباد، نرمل، نظام آباد، کاماریڈی، سنگاریڈی، میدک، سِرِسیلا، وقارآباد، سدی پیٹ، رنگاریڈی، محبوب نگر، ونپرتی، ناگرکرنول، جوگولامبا گدوال، نارائن پیٹ اور نلگنڈہ میں بارش کی پیش قیاسی کی گئی ہے۔

رات کے اوقات سے اگلی صبح تک آصف آباد، منچریال، پداپلی، جے شنکر بھوپال پلی، مولوگو، بھدرادری کوتہ گوڑم، محبوب آباد، کھمم، سوریہ پیٹ اور ورنگل کے بعض علاقوں میں بھی بارش کا سلسلہ جاری رہ سکتا ہے۔

موسمی صورتحال کے مطابق جھارکھنڈ کے اوپر موجود کم دباؤ کے علاقے کے اثر سے تلنگانہ کے شمالی، مغربی اور مشرقی حصوں میں کہیں کہیں معتدل بارش ہو سکتی ہے۔ حیدرآباد میں دوپہر تک موسم زیادہ تر خشک رہنے کی توقع ہے، تاہم شام سے رات کے درمیان شہر کے بعض علاقوں میں بارش کے امکانات ہیں۔