بھینسہ 6/جنوری (پٹریاٹک ویوز) مدھول تعلقہ کے سابق ایم ایل اے و کانگریس پارٹی انچارج نارائن راؤ پٹیل نے حیدرآباد میں تلنگانہ کے ریاستی وزیر آبپاشی اتم کمار ریڈی سے ملاقات اور نمائندگی کی کہ پیکیج 28 کی بروقت تکمیل جو مدھول حلقہ میں ایک طویل عرصے سے زیر التوا آبپاشی نہر کا مسئلہ ہے اور کسانوں کو آبپاشی کے پانی کی فراہمی کے لیے درخواست جمع کرائی گئی تھی زیر التواء پراجکٹوں کو جلد از جلد مکمل کرنے کی بھی درخواست کی مدھول کی عوام کو دریائے گوداوری تک رسائی حاصل ہے لیکن پیکیج 28 کے ذریعے کسانوں سے گوداوری کے پانی کا بھرپور استعمال کرنے کی درخواست کی گئی ہے اور معزز وزیر سے درخواست کی گئی ہے کہ وہ دریا کے پانی کو بنجر زمینوں کی طرف موڑ دیں اور مدھول کے کسانوں کو فائدہ پہنچائیں معزز وزیر نے مثبت جواب دیا اور یقین دلایا کہ عہدیداروں کے ہمراہ پیکیج 28 کے کاموں کا جائزہ لیں گے اور کاموں کی تکمیل کو یقینی بنائیں گے بھوسلے نارائن راؤ پٹیل نے کہا آزادی کے بعد سے مدھول کے کسانوں کو بارانی فصلوں کی کاشت کے دوران آبپاشی کے پانی کی کمی کی وجہ سے مشکلات کا سامنا ہے اور انہوں نے وزیر کو وضاحت کی کہ پیکیج 28 سے تقریباً 50 ہزار ایکڑ اراضی کو آبپاشی کا پانی فراہم ہوگا جس پر وزیر نے کہا کہ وہ جلد ہی جامع رپورٹ لانے کے بعد اعلیٰ حکام کے ہمراہ جائزہ اجلاس منعقد کرتے ہوئے فوری طور پر مسائل کو حل کرنے کا تیقین دیا۔