بیدر16ڈسمبر(نامہ نگار )
’ایک لاکھ پیڑ ماں کے نام‘ مہم کے تحت مرکزی حکومت کی ریاستی ترقی، ہم آہنگی اور نگرانی کمیٹی کے رکن شیویا سوامی نے اتر پردیش کے غازی آباد میں منگل کے روز انکم ٹیکس محکمہ کے ایڈیشنل کمشنر ساحل سیٹھ کو ایک پودا پیش کیا۔
انہوں نے کہا کہ ماں کے احترام اور عوام میں ماحولیاتی شعور بیدار کرنے کے مقصد سے، ماتا کرونادیوی کے نام پر ایک لاکھ پودے لگانے کی مہم شروع کی گئی ہے۔
اس مہم کے تحت ملک کی مختلف ریاستوں میں مفت پودوں کی تقسیم کی گئی ہے اور عوام میں ماحولیاتی بیداری پیدا کی گئی ہے۔ انہوں نے مزید بتایا کہ نئے سال میں اس مہم کے اختتامی پروگرام کے انعقاد کا بھی منصوبہ ہے۔
ایڈیشنل کمشنر ساحل سیٹھ نے کہا کہ شیویا سوامی کی جانب سے اس مہم کے ذریعے ماحولیات کے تئیں ظاہر کی گئی فکر و دلچسپی قابلِ ستائش ہے