بیدر12/ڈسمبر(نامہ نگار) کانگریس کوآپریٹیو ڈویژن کے ریاستی صدر دھنراج تالمپلی نے کہا کہ ریاست بھر میں کانگریس کوآپریٹیو ڈویژن کو مضبوط بنانے پر زور دیا جائے گا۔میسور میں منعقد کانگریس کوآپریٹیو ڈویژن ضلع یونٹ کی ایگزیکٹو میٹنگ سے خطاب کرتے ہوئے، انہوں نے کہا کہ تمام اضلاع میں ڈویژن میں نئی طاقت داخل کی جا رہی ہے۔ جہاں ضرورت ہو وہاں نئے عہدیداروں کا تقرر کیا جا رہا ہے۔اس کے ساتھ ہی ڈویژن کے میسور رورل ڈسٹرکٹ یونٹ کے نئے صدر، عہدیداروں اور تعلقہ اکائیوں کے صدور کو تقرری کے خطوط تقسیم کیے گئے۔پارٹی کے میسور دیہی ضلع صدر بی جے وجئے کمار، نائب صدر منجوناتھ ہیڈاتلے، جنرل سکریٹری شیو پرساد، کوآپریٹو ریٹائرڈ منیجر پرکاش راؤ، کے پی سی سی کوآرڈی نیٹر منجوناتھ اور دیگر موجود تھے۔۔۔