Hyderabad: 25/06/2026

City Square Infra Private Limited ki janib se uske flagship project Anuttara Township Phase-II ka Brochure Launch aur Channel Partners Meet kamyabi ke saath munaqid kiya gaya. Programme mein investors, channel partners, real estate professionals aur business personalities ki badi tadaad ne shirkat ki.

Project brochure ko Mohammed Furqan Ahmed, Managing Director, City Square Infra Pvt. Ltd., ne moazzaz mehmano aur senior associates ke hamrah launch kiya. Is mauqe par unhon ne Anuttara Township Phase-II ke vision aur project ki ahmiyat par roshni dali.

Apne khitab mein Mohammed Furqan Ahmed ne kaha ke Anuttara Township Phase-II sirf ek plotted development nahi, balkeh mustaqbil ki zarooriyat ko madde nazar rakhte hue tayyar ki gayi ek premium gated community hai jo investors aur families dono ke liye behtareen mauqa faraham karti hai. Unhon ne kaha ke City Square Infra hamesha transparency, quality aur customer trust ko apni bunyadi qeemat samajhta hai.

135 acres par phaila hua Anuttara Township Phase-II ek DTCP-approved gated community hai jismein 1200 se zyada premium open plots maujood hain. Project mein wide roads, clubhouse, swimming pool, children’s play area, landscaped parks, avenue plantation, rainwater harvesting system, sewage management aur 24/7 security jaisi jadeed sahuliyatain faraham ki ja rahi hain.

Programme ke dauran management ne investors aur channel partners ke liye khaas incentive schemes ka bhi elan kiya. Customers ke liye ₹1,00,000 ki payment par Guaranteed Gold Coin, ₹1,50,000 ki payment par Guaranteed EV Scooter, aur Mega Grand Lucky Draw ka elan kiya gaya jismein 5 Tata Punch Cars, 5 Royal Enfield Motorcycles aur Gold Sets shamil hain.

Event ka ek aur khaas pehlu Promoter Incentive Scheme thi, jiske tehat 25 plot bookings hasil karne wale channel partner ko Brand-New Toyota Fortuner Lucky draw mein participate karne ka mauqa diya jayega. Is elan ko channel partners ne bharpoor pasand kiya.

Programme ko investors aur channel partners ki janib se zabardast response hasil hua aur event ke dauran hi multiple spot bookings record ki gayin. Company ke waade ke mutabiq, Mr. Mustafa Kamal ne khud spot booking karne wale customers mein Guaranteed Gold Coins taqseem kiye, jis se shirka mein aur zyada aitmaad paida hua aur company ki credibility mazeed mazboot hui.

Shirka ne Mohammed Furqan Ahmed ki leadership, project ki strategic location, Kamareddy ke growth potential aur long-term investment opportunities ko khoob saraha. Kai channel partners ne project ki marketing aur kamyabi ke liye apne taawun ka yaqeen dilaya.

Is mauqe par Mohammed Furqan Ahmed ne kaha ke Kamareddy Telangana ke tezi se ubharte hue investment destinations mein shamil ho raha hai aur Anuttara Township Phase-II aane wale saalon mein is ilaqe ka ek landmark development sabit hoga.

Programme ka ikhtitam investors, channel partners aur business associates ki purjosh shirkat ke saath hua aur Anuttara Township Phase-II ki kamyabi ke liye mazboot bunyaad rakhi gayi. Kamareddy me 28 june Sunday ko promoters ki meeting hogi. Lunch ka nazm rahega. Booking ke liye
Phone 9709703131 or………. Per contact Kiya jasakta hai.